2020年，過了特別的一年。
.
足球上，上年度九月重拾了操練，準備比賽，突如其來的疫症再爆發，再次封場。原本想响呢度，同大家分享更多自己於追求上嘅近況，可惜未能做到。今年，期望能夠仍然同大家分享，自己仍然很想感受堅持帶來嘅熱血，相信努力會係帶來不同。
.
「屎波裝備多」上，自己早已定位為興趣性質運作，但仍然感激這一年各個合作夥伴及品牌嘅支持，讓阿靴可以減低成本運作呢個波Boot實測嘅Page。明白今年係唔容易嘅一年，自己亦都係感受較重嘅人，多謝曾經接觸嘅每一位，萬分感激。
.
最重要嘅，就當然係一直支持住「屎波裝備多」嘅你地，無你地每一位嘅支持就絕對無今日嘅「屎波裝備多」。諗翻當年一個人影下boot相，講吓意見，又去到後期拍片，又去到今日嘅運作，透過波boot，能夠同大家相識就是一個緣份。有時，我處事可能會不夠完善，也請大家包容，始終難以滿足每個人的期望。
.
2021年，「屎波裝備多」會繼續運作的，最近成日都會諗會咩時候會停止，就交俾上天吧，好多嘢我哋都控制唔到，阿靴我亦會盡能力做。坦白講，你哋每一位嘅支持係我最大嘅動力，在環境許可下，阿靴都會繼續營運「屎波裝備多」落去。
.
對於新一年，雖然「屎波裝備多」唔係主流嘅足球類別Page，但阿靴希望除咗講波Boot，球員訪問，以及分享近況外，今年還希望可以為大家帶來多一點希望與正能。
.
大家加油，平安。
.
#屎波裝備多 #hkfootballreview
Search